من أبدع اغاني أوبريت العشرة الطيبة  لسيد درويش و بديع خيري..
فيه مقطع في الاغنية دي بيقول :
اشبار علينا يا ما خدعنا
لولا حزمبل كنا ضعنا

كل لما اسمع المقطع ده افتكر طبالين الزفة و هم بيقولوا: لولا فخامة مش عارف مين كان زمانا  زي مش عارف ايه و ايه،
و لولا جلالته كنا.... يا نهار اسود يا رجالة..بلاش نتكلم أحسن

نسمع الاغنية و احنا ساكتين
الكلمات:
يا مرحبا بك يا مرحبا بك
آدى الى نابنا وآدى الى نابك
ما ضاجت الا وفرجها سيدك
يا رب نجينا من المهالك
يا مرحبا بك يا مرحبا بك
آدى الى نابنا وآدى الى نابك
اشبار علينا يا ما خدعنا
لولا حزمبل كنا ضعنا
ايدنا فى ايدك طبلى زمر
لازم نكيدك يا حمص اخضر
ديه العبوديه راحت زمانها
وآدى الحريه ها يأون اوانها
يا مرحبا بك يا مرحبا بك
آدى الى نابنا وآدى الى نابك